,,2011 წლის 20 დეკემბრიდან ლიბერთი ბანკის პირადი ბანკირის სამსახური თავის კლიენტებს სთავაზობს მომსახურების ახალ პაკეტებს და Butler.ge კონსიერჟის მომსახურებას" განაცხადა ლიბერთი ბანკის გენერალური დირექტორის მოადგილემ გიორგი ფარესიშვილმა დღეს გამართულ პრესკონფერენციაზე.
მისსივე განმარტებით, პირადი ბანკირის მომსახურების პაკეტები სხვა ექსკლუზიურ საბანკო სერვისებთან და პროდუქტებთან ერთად მოიცავენ Visa Infinite ბარათს. Visa Infinite წარმოადგენს Visa -ს პრემიალურ პლასტიკურ ბარათს, რომლის მფლობელები სარგებლობენ განსაკუთრებული პრივილეგიებით, როგორებიცაა: მრავაჯერადი საერთაშორისო სამოგზაურო დაზღვევა ბარათის მფლობელის და მისი ოჯახის ხუთი წევრისთვის, საერთაშორისო კონსიერჟის მომსახურება, საერთაშორისო სამედიცინო და იურიდიული საინფორმაციო მომსახურება საზღვარგარეთ მგზავრობისას, დაკარგული ან მოპარული ბარათის სასწრაფო აღდგენა და მისი ადგილზე მოწოდება მსოფლიოს უმეტეს ქვეყნებში 24 საათის განმავლობაში, შეძენილი საქონლის დაზღვევა და გარანტიის ვადის გახანგრძლივება. მნიშვნელოვანია ისიც, რომ პირადი ბანკირის სამსახურის კლიენტებს ექნებათ საშუალება გახსნან ერთ პლასტიკურ ბარათზე მიბმული ანგარიშები 10 სხვადასხვა ვალუტაში და მიიღონ მათზე არსებულ ნაშთებზე საპროცენტო სარგებელი.
Butler.ge კონსიერჟი არის დამატებითი სერვისი ლიბერთი ბანკის პირადი ბანკირის სამსახურის კლიენტებისთვის, რომლებმაც კარგად იციან დროის ფასი. Butler.ge არის ექსკლუზიური მომსახურება, რომელიც გაუმარტივებს ცხოვრებას კლიენტებს და დაუზოგავს მათ დროს და ენერგიას. Butler.ge კლიენტებისთვის ხელმისაწვდომია 24 საათის განმავლობაში, კვირის ნებისმიერ დროს.