2011 წლის იანვარ-ნოემბრის წინასწარი მონაცემებით, საქართველოს საგარეო სავაჭრო ბრუნვამ (არაორგანიზებული ვაჭრობის გარეშე) 8 260 მლნ. აშშ დოლარი შეადგინა. აქედან, ექსპორტი 1 937 მლნ. აშშ დოლარი იყო, ხოლო იმპორტი 6 323 მლნ. აშშ დოლარი.
"საქსტატის" ინფორმაციით, საქართველოს უარყოფითმა სავაჭრო ბალანსმა 2011 წლის იანვარ-ნოემბერში 4 386 მლნ. აშშ დოლარი შეადგინა.
შეგახსენებთ, რომ ეს არის საქართველოს საგარეო ვაჭრობის იანვარ-ნოემბრის წინასწარი მონაცემები, ხოლო დეტალურ დაზუსტებულ მაჩვენებლებს საქსტატი 23 დეკემბერს გამოაქვეყნებს.
