საქართველოს ბანკმა, ქალაქ გორში, ჭავჭავაძის ქ. N10–ში ახალი სერვისცენტრი გახსნა, რის შედეგადაც კიდევ უფრო გააფართოვა ბანკის სერვისცენტრების ქსელი საქართველოს მასშტაბით.
აღსანიშნავია, რომ ახალ სერვისცენტრში, მომხმარებელი შეძლებს როგორც სტანდარტული საბანკო ოპერაციების ჩატარებას, ასევე ბიზნესსესხებით სარგებლობას, მცირე და საშუალო კომპანიებისთვის. საქართველოს ბანკის ერთ–ერთ პრიორიტეტს სწორედ მიკროსესხების დაფინანსება წარმოადგენს და ამიერიდან, მომხმარებელს გორში შესაძლებლობა ექნება ბიზნესის დაფინანსებისთვის გორის ახალ სერვისცენტრს მიაკითხოს.
საქართველოს ბანკის ახალი სერვისცენტრი თანამედროვე სტანდარტების თანახმადაა მოწყობილი და მომხმარებელს მარტივ და კომფორტულ მომსახურებას სთავაზობს.
საქართველოს ბანკს, ქვეყნის მასშტაბით უკვე 150–მდე სერვისცენტრი აქვს, რომელიც განთავსებულია მომხმარებლისთვის ყველაზე ხელსაყრელ ადგილებში.
გორის ახალ სერვისცენტრში 17 თანამშრომელი დასაქმდა.
მასალის გამოყენების პირობები
