აჭარაში ციტრუსის მოსავლის აღების სეზონი დაიწყო. აჭარის სოფლის მეურნეობის სამინისტროს ინფორმაციით, ამ დროისთვის რეალიზებულია 15651 ტონა მანდარინი, აქედან 2809 ტონა უკრაინის ბაზარზე იქნა ექსპორტირებული.
სამინისტროში განმარტავენ, რომ წელს რეგიონში 85 ათას ტონა მანდარინს ელოდებიან, აქედან 50 ათასს ქობულეთში, ხოლო 35 ათასს ხელვაჩაურში. უცხურ ბაზარზე 70 ათას ტონამდე ციტრუსი გაიგზავნება. ძირითადი ექსპორტიორი ქვეყანა, ისევე როგორც გასულ წელს, ამჯერადაც უკრაინაა. ქართული მანდარინი სომხეთის, აზერბაიჯანის, შუა აზიისა და აღმოსავლეთ ევროპის ბაზარზედაც გაიყიდება.
რაც შეეხება არასტანდარტულ მანდარინს, მის გადამუშავებას შპს "ციტრო" და ქობულეთის საკონსერვო ქარხანა უზრუნველყოფს.