დღეიდან, "GIG TAXI"-ი საკუთარ კლიენტებს სიურპრიზს სთავაზობს. როგორც სააგენტო "ჯი-ეიჩ-ენთან" საუბრისას "GIG TAXI" -ის მმართველმა დირექტორმა კოტე თოფურიამ განაცხადა. 15 დეკემბრიდან, 14 იანვრის ჩათვლით, ყოველი მეხუთასზე კლიენტი, რომელიც "GIG TAXI"-ს გამოიძახებს საჩუქრად სატალეფონო ანგარიშზე 5 ლარს მიიღებს. კოტე თოფურიას განმარტებით, 5 ლარი ჩაირიცხება იმ ტელეფონის ნომერზე, რომელსაც თავად კლიენტი მიუთითებს.
როგორც ცნობილია, "GIG TAXI"-ი, კერძო კლიენტების გარდა, კორპორატიულ კლიენტებსაც ემსახურება. ამ ეტაპზე კომპანია 200-მდე კორპორატიულ კლიენტს ემსახურება. კერძო პირებისთვის მომსახურების ტარიფი 1 კმ-ზე საშუალოდ 50 თეთრია, ხოლო კორპორატიული კლიენტები შედარებით შეღავათიანი ტარიფებით სარგებლობენ.
ამ დროისთვის "GIG TAXI"-ი მხოლოდ თბილისშია წარმოდგენილი, თუმცა მას შემდეგ, რაც კომპანია ბაზარზე წილს გაზრდის, რეგიონებში სერვისცენტრების გახსნაზედაც იმსჯელებს.
"GIG TAXI"-ს აქვს ექსკლუზიური უფლება თბილისის საერთაშორისო აეროპორტთან, რომლის მიხედვითაც, მგზავრებისა და თავად კომპანია "ტავის" გადაადგილებაზე უშუალოდ "GIG TAXI"-ი ზრუნავს.
