აშშ-ის ენერგეტიკის სამინისტროს მიერ გავრცელებული ინფორმაციის თანახმად, 2011 წლის 3-9 დეკემბრის კვირის განმავლობაში აშშ-ში ნედლი ნავთობის მარაგები შემცირდა 1.9 მლნ ბარელით და შეადგენს 334.2 მლნ ბარელს, რაც 3.4 პროცენტით ნაკლებია გასული წლის ანალოგიური პერიოდის მაჩვენებელთან შედარებით.
ბენზინის მარაგები გაიზარდა 3.8 მლნ ბარელით და შეადგენს 218.8 მლნ ბარელს, რაც 1.9 პროცენტით აღემატება გასული წლის ანალოგიური პერიოდის მაჩვენებელთან შედარებით.
დისტილატების მარაგები გაიზარდა 0.5 მლნ ბარელით 141.5 მლნ ბარელამდე, რაც 12.3 პროცენტით ნაკლებია გასული წლის ანალოგიური პერიოდის მაჩვენებელთან შედარებით.
ნავთობის რეზერვების სტრატეგიული მარაგები გასული კვირის განმავლობაში უცვლელი დარჩა და შეადგენს 696.0 მლნ ბარელს.
კვირის განმავლობაში აშშ-ში ნავთობის მოპოვება გაიზარდა 5,861 მლნ ბარელიდან 5,862 მლნ ბარელამდე/დღეში.
ნავთობის მიწოდება ნავთობგადამამუშავებელ ქარხნებში შემცირდა 15.247 მლნ ბარელიდან 14.657 მლნ ბარელამდე დღე-ღამეში.
ნავთობგადამამუშავებელი ქარხნების დატვირთვის კოეფიციენტი შემცირდა 2.6 პროცენტული პუნქტით 85.1 პროცენტამდე.