მომავალი წლიდან საქართველოში საწვავზე ახალი სტანდარტი შემოდის. როგორც "ჯი-ეიჩ-ენს" ნავთობპროდუქტების იმპორტიორთა კავშირიდან აცნობეს, 2011 წლის 1 დეკემბერს საქართველოს მთავრობამ მიიღო ახალი დადგენილება №444 ,,საავტომობილო ბენზინის ხარისხობრივი ნორმების შესახებ" საქართველოს მთავრობის 2004 წლის 31 დეკემბრის № 124 დადგენილებაში ცვლილებების შეტანის თაობაზე, რომლის მიხედვითაც დადგინდა საავტომობილო ბენზინის ახალი ხარისხობრივ-ეკოლოგიური მახასიათებლები, კერძოდ,:
,,გ) 2012 წლის 1 იანვრიდან 2014 წლის 1 იანვრამდე:
გ.ა) ტყვიის შემცვლელობა - არა უმეტეს 0,005 გ/ლ;
გ.ბ) ბენზოლის მოცულობითი წილი - არა უმეტეს 3 პროცენტი;
გ.გ) არომატული ნახშირწყალბადების მოცულობითი წილი - არა უმეტეს 42 პროცენტი;
გ.დ) გოგირდის შემცველობა - არა უმეტეს 250 მგ/კგ;
დ) 2014 წლის 1 იანვრიდან:
დ.ა) ტყვიის შემცვლელობა - არა უმეტეს 0,005 გ/ლ;
დ.ბ) ბენზოლის მოცულობითი წილი - არა უმეტეს 3 პროცენტი;
დ.გ) არომატული ნახშირწყალბადების მოცულობითი წილი - არა უმეტეს 42 პროცენტი;
დ.დ) გოგირდის შემცველობა - არა უმეტეს 150 მგ/კგ.".
ასევე მიღებულ იქნა ახალი დადგენილება №449 დიზელის საწვავთან დაკავშირებით, რომლის მიხედვითაც ხარისხობრივ-ეკოლოგიური მახასიათებლები განისაზღვრა შემდეგნაირად:
,,გ) 2012 წლის 1 იანვრიდან 2014 წლის 1 იანვრამდე:
გ.ა) ცეტანის რიცხვი - არანაკლებ 47;
გ.ბ) გოგირდის შემცველობა - არა უმეტეს 300 მგ/კგ;
გ.გ) სიმკვრივე 150C - არა უმეტეს 845 კგ/მ3 ;
გ.დ) პოლიციკლური არომატული ნახშირწყალბადების მასური წილი - არა უმეტეს 11 პროცენტი;
დ) 2014 წლის 1 იანვრიდან:
დ.ა) ცეტანის რიცხვი - არანაკლებ 48;
დ.ბ) გოგირდის შემცველობა - არა უმეტეს 200 მგ/კგ;
დ.გ) სიმკვრივე 150C - არა უმეტეს 845 კგ/მ3 ;
დ.დ) პოლიციკლური არომატული ნახშირწყალბადების მასური წილი - არა უმეტეს 11 პროცენტი.".
ფაქტიურად ახალი წლიდან ქვეყანაში შემოდის საწვავზე ახალი სტანდარტი, რომლის მიხედვითაც საქართველოში მოხმარებულ საწვავში მნიშვნელოვნად შეიზღუდება გოგირდის, არომატული ნახშირწყალბადების და ბენზოლის შემცველობა.