საჯარო რეესტრის მიერ გაწეული მომსახურების ვადები, საფასურის განაკვეთები მთავრობის დადგენილებით განისაზღვრება. ამასთან დაკავშირებით ცვლილება "საჯარო რეესტრის შესახებ" კანონში შედის.
კანონპროექტის მიხედვით, სააგენტოს მიერ გაწეული მომსახურების საფასურის განაკვეთები, მომსახურების ვადები, ასევე საფასურის გადახდის, გადახდისაგან გათავისუფლების და გადახდილი საფასურის დაბრუნების წესი და პირობები, მთავრობის დადგენილებით განისაზღვრება.
კანონით, დადგენილი იყო საფასურები და გადახდის ვადები შემდეგ მომსახურებებზე: უძრავ ნივთზე უფლების რეგისტრაცია, აღნაგობის უფლებაზე იპოთეკის რეგისტრაცია; არასასოფლო-სამეურნეო დანიშნულების მიწაზე თუ სასოფლო-სამეურნეო საკუთრების უფლების აღიარება; უძრავი ქონების ლეგალიზების რეგისტრაცია; იპოთეკის მოწმობის გაცემა და მასში ცვლილებები; საბანკო გარანტიის წარმოშობის და მასში ცვლილები; მოძრავ ნივთსა და არამატერიალურ ქონებრივ სიკეთეზე უფლების, მათში ცვლილების და მათი შეწყვეტის რეგისტრაცია; სარეგისტრაციოდ წარმოდგენილ გარიგებაზე მხარეთა ხელმოწერების დადასტურება; მეწარმე სუბიექტისა და ინდივიდიალური მეწარმის რეგისტრაცია, რეგისტრირებულ მონაცემებში ცვლილებებისა და მათი შეწყვეტის რეგისტრაცია; სურსათის/ცხოველის საკვების მწარმოებელ საწარმოდ ან/და დისტრიბუტორად რეგისტრაცია და ა.შ.
ამ ცვლილებებს საპარლამენტო კომიტეტები მიმდინარე კვირს დაიწყებს.
