კონდოლიზა რაისმა ცალსახად გაუსვა ხაზი თავის მემუარებში, რომ 2008 წლის აგვისტოს ომი რუსეთმა ჩაიფიქრა და განახორციელა. ამის შესახებ აშშ-ში საქართველოს ელჩმა თემურ იაკობაშვილმა განაცხადა.
"კონდოლიზა რაისმა თავად გააკეთა ამ ყველაფერზე კომენტარი და ამას ვერაფერს დავუმატებ. მან ცალსახად გაუსვა ხაზი, რომ ომი იყო ჩაფიქრებული და განხორციელებული რუსეთის მხრიდან. ამ განცხადებამ ერთხელ და სამუდამოდ უნდა დაუსვას წერტილი, თუ ვინ და რატომ დაიწყო ომი და რატომ მოხდა ეს ყველაფერი", - განაცხადა "ჯი-ეიჩ-ენთან: საუბარში იაკობაშვილმა.
შეგახსენებთ, რომ კონდოლიზა რაისმა თავის მემუარებში აგვისტოს ომზედაც ისაუბრა. ქართული ოპოზიციური პარტიების ნაწილი აცხადებდა, რომ კონდოლიზა რაისის მემუარები ადასტურებს იმას, რომ ომი საქართველომ დაიწყო.
