ხვალ, 22 ნოემბერს, ქუთაისის აეროპორტის რეაბილიტაცია ოფიციალურად დაიწყება. რეაბილიტაციის ფარგლებში იგეგმება აეროპორტის საფრენი ბილიკის გაფართოვებაც. როგორც მთავრობაში განმარტავენ, ქუთაისის კოპიტნარის აეროპორტიდან ძირითადად დაბალბიუჯეტიანი კომპანიები იფრენენ. კომპანიების უმეტესობასთამ შესაბამისი კონტაქტი უკვე გაფორმებულია.
შეგახსენებთ, რომ საქართველოს მთავრობა კოპიტნარის აეროპორტის გასხვისებას გეგმავდა, თუმცა საბოლოოდ მისი გასხვისება გადაიფიქრა.
როგორც ცნობილია ქუთაისის აეროპორტის საერთაშორისო სტანდარტებთან შესაბამისობაში მოსაყვანად და ნებისმიერი ევროპული დაბალბიუჯეტიანი კომპანიის მომსახურებისთვის, ეკონომიკისა და მდგრადი განვითარების სამინისტრო შპს "ქუთაისის აეროპორტის" აქტივების სიმბოლურ ფასად - 1 ლარად გასხვისებას აპირებდა. ინტერესის გამოხატვა არ ატარებდა ტენდერის ან აუქციონის სახეს, შესაბამისად, მთავრობას ჰქონდა უფლება, არ მიეღო არც ერთი განაცხადი. საქართველო მთავრობა თანახმა იყო ყოფილიყო პროექტის თანადამფინანსებელიც.
"ქუთაისის აეროპორტი" სახელმწიფო საკუთრებაში არსებული საწარმოა, რომელიც ქუთაისიდან 20 კილომეტრის დაშორებით მდებარეობს. იგი მოიცავს 35,5 ჰექტარ მიწის ნაკვეთს და 2 300 კვ.მ. შენობის ფართს. აეროპორტის ამჟამინდელი გადაზიდვის ტევადობა საათში 200 მგზავრს შეადგენს. აეროპორტი, ყოველგვარი სეზონური შეფერხების გარეშე, 24 საათის განმავლობაში ფუნქციონირებს.