გაეროს განვითარების პროგრამა - UNDP აჭარაში ეკონომიკური განვითარების ხელშეწყობას განაგრძობს. პროგრამა 600 ათას აშშ დოლარზე მეტი ღირებულების პროექტი სოფლის მეურნეობის, ტურიზმის, ბიზნესისა და ვაჭრობის განვითარებას ემსახურება.
UNDP-ის დახმარებით, აჭარის მცირე და საშუალო ფერმერები შეძლებენ სოფლის მეურნეობის ახალი ტექნოლოგიების დანერგვას, პროდუქციის უკეთ მარკეტირებასა და გაყიდვას. ფერმერთა საინფორმაციო და საკონსულტაციო მომსახურება ხელმისაწვდომი გახდება მთელს აჭარაში.
ტურიზმის სფეროში UNDP თანამშრომლობს აჭარის ტურიზმის დეპარტამენტთან. UNDP-ის ხელშეწყობა მოიცავს რეგიონში ტურისტული მომსახურების შეფასებას, გრძელვადიანი სტრატეგიის განახლებას ახალი რეალობების გათვალისწინებით და უცხოეთთან თანამშრომლობის ხელშეწყობას. გარდა ამისა, UNDP დახმარებას გაუწევს აჭარის ტურიზმის დეპარტამენტს უფრო ეფექტურად გამოიყენოს საინფორმაციო ტექნოლოგიები თანამედროვე ტურისტული მომსახურებისათვის.
გარძელდება აჭარაში პროფესიული განათლების მხარდაჭერაც. UNDP-ის პრიორიტეტებია საინფორმაციო ტექნოლოგიებთან, ტურიზთან, კვების მრეწველობასთან და მშენებლობასთან დაკავშირებული პროფესიები.
ვაჭრობის სფეროში UNDP ხელს შეუწყობს აჭარის ბიზნესის უცხოურ ბაზრებზე გასვლასა და იმპორტისა და ექსპორტის ეფექტური მართვის შესწავლას. 2011 წლის ოქტომბერში UNDP-ის მეშვეობით ბათუმში ვაჭრობის ხელშეწყობის ცენტრი გაიხსნა.
ახალ ინიციატივას ფინეთის მთავრობა, UNDP და აჭარის ავტონომიური რესპუბლიკის მთავრობა აფინანსებენ.