სრულიად საქართველოს კათალიკოს-პატრიარქი, უწმინდესი და უნეტარესი ილია მეორე მოსკოვში ჩაბრძანდა. კათალიკოსი მოსკოვისა და სრულიად რუსეთის პატრიარქის, კირილის, 65 წლის იუბილესადმი მიძღვნილ ღონისძიებში მიიღებს მონაწილეობას.
თვითმფრინავი, რომელშიც პატრიარქი და ქართული დელეგაციის წევრები იმყოფებოდნენ, მოსკოვის "ვნუკოვო-3" აეროპორტში უკვე დაეშვა. ინფორმაციას ამის შესახებ რუსული მედია ავრცელებს. მათი ინფორმაციით, საქართველოს პატრიარქს აეროპორტში დახვდნენ მოსკოვის საპატრიარქოს საგარეო საეკლესიო კავშირების განყოფილების ხელმძღვანელი ვოლოკოლამსკის მიტროპოლიტი ილარიონი, მისი მოადგილე - მამა ნიკოლაი ბალაშოვი, კრუტიცკისა და კოლომენსკის მიტროპოლიტი იუვენალი და რუსული სასულიერო საზოგადოების სხვა წარმომადგენლები.
