სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე მოსკოვში მღვდელმთავრებთან და სასულიერო პირებთან ერთად გაემგზავრა.
„ჩვენ გვექნება საუბარი ურთიერთის დამოკიდებულებაზე რუსეთსა და საქართველოს ეკლესიებს შორის. იქნება აფხაზეთის და სამაჩაბლოს საკითხიც. ასევე, უნდა შედგეს მსოფლიო კრება მართლამადედებელი ეკლესიებს შორის და ამაზეც იქნება საუბარი", - განაცხადა გამგზავრებამდე პატრიარქმა.
უწმინდესი მონაწილეობას მიიღებს რუსეთის პატრიარქის, კირილის 65 წლის იუბილესადმი მიძღვნილ ღონისძიებებში.
20 ნოემბერს, ორი მართლმადიდებელი ეკლესიის მეთაური ერთობლივ წირვას მოსკოვში მაცხოვრის სახელობის ტაძარში აღავლენს. 23 ნოემბერს, წმინდა გიორგის ბორბალზე წამების დღეს კი - კათოლიკოს-პატრიარქი მოსკოვში, წმ. გიორგის სახელობის ქართულ ტაძარში აღავლენს წირვას და რუსეთში ქართული დიასპორის წარმომადგენლებს შეხვდება.
სრულიად საქართველოს კათოლიკოს პატრიარქი საქართველოში 24 ნოემბერს დაბრუნდება.
