სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე დღეს მოსკოვში მიემგზავრება .
როგორც "ჯი-ეიჩ-ენს" საპატრიარქოდან აცნობეს, უწმინდესი მონაწილეობას მიიღებს რუსეთის პატრიარქის, კირილის 65 წლის იუბილესადმი მიძღვნილ ღონისძიებებში. ილია მეორე რუსეთში მღვდელმთავრებთან და სასულიერო პირებთან ერთად გაემგზავრება.
20 ნოემბერს, ორი მართლმადიდებელი ეკლესიის მეთაური ერთობლივ წირვას მოსკოვში მაცხოვრის სახელობის ტაძარში აღავლენს. 23 ნოემბერს, წმინდა გიორგის ბორბალზე წამების დღეს კი - კათოლიკოს-პატრიარქი მოსკოვში, წმ. გიორგის სახელობის ქართულ ტაძარში აღავლენს წირვას და რუსეთში ქართული დიასპორის წარმომადგენლებს შეხვდება.
სრულიად საქართველოს კათოლიკოს პატრიარქი საქართველოში 24 ნოემბერს დაბრუნდება.
