ცხინვალის რეგიონში ჩატარებული ე.წ. საპრეზიდენტო არჩევნების შედეგად ვერც ერთმა კანდიდატმა ამომრჩევნების ხმების 50 % ვერ დააგროვა. ამის გამო არჩევნების ე.წ. მეორე ტური ინდა გაიმართოს. ე.წ. ცესკოს თავმჯდომარის ბელა ფლიევას ინფორმაციით, ე.წ. სამხრეთ ოსეთის საპრეზიდენტო არჩევნების მეორე ტურში მონაწილეობას მიიღებენ - ანატოლი ბიბილოვი (ე.წ. სამხრეთ ოსეთის საგანგებო სიტუაციების სამინისტროს ხელმძღვანელი) და ალა ჯიოევა (განათლების ყოფილი მინისტრი).
"ცესკოს ინფორმაციით, ჩატარებული არჩევნების ხმათა დათვლის წინასწარი შედეგები მეტყველებს, რომ ვერც ერთმა კანდიდატმა ხმათა 50 % ვერ დააგროვა. ყველაზე მეტი ხმა დააგროვეს ანატოლი ბიბილოვმა 25, 44 % და ალა ჯიოევამ 25, 37 %. ამის გამო სამხრეთ ოსეთის საპრეზიდენტ არჩევნების მეორე ტური აუცილებლად გაიმართება", _ აცხადებს ფლიევა.
მისივე თქმით, სავარაუდოდ, ე.წ. არჩევნების მეორე ტური 27 ნოემბერს გაიმართება.