ექსპერტების შეფასებით, ივანიშვილის მხოლოდ დეველოპერული აქტივები მისი ქონების (ფორბსის შეფასებით 5,5 მლრდ. დოლარი) ნახევარს შეადგენს.

ამჟამად ივანიშვილის ბიზნესი, რომელიც საკმაოდ დივერსიფიცირებულია საინტერესოდ გამოიყურება. ის წარმოდგენილია ისეთ სექტორებში როგორიცაა დეველოპმენტი („უნიკორი"), ფინანსები („რასიისკი კრედიტი"), კოლექტიური ინვესტიციების მმართვა („ინტერფინ კაპიტალი", ინტერფინ ტრეიდი"), სოფლის მეურნეობა (კორპორაცია „სტოილენსკაია ნივა"), ფარმაცევტულ ბზინესი („ეკრაფარმი", მართავს სააფთიქო ქსელს „დოქტორ სტოლეტოვი").

სავარაუდოდ, ივანიშვილი რუსეთში არსებულ თავის ბიზნესს ეტაპობრივად გაყიდის. ექსპერტები მიიჩნევენ, რომ ყველაზე დიდი ინტერესი ინვესტორებში შესაძლოა სააფთიაქო ქსელმა გამოიწვიოს, რომელსაც მოსკოვის ჩათვლით რუსეთის 11 რეგფიონში 422 სავაჭრო პუნქტი გააჩნია.

როგორც კომპანია „Advill"-ს აღმასრულებელი დირექტორი რუსტამ ტოპჩიევი აცხადებს, „ეკარფარმი" ჯერჯერობით არ ყიდის „დოქტორ სტოლეტოვს" არაmედ აწარმოებს აფთიაქების შესყიდვას. ამის მიუხედავად, ეკონომისტების განმარტებით, ეს ნაბიჯი შეიძლება შეფასებული იქნას როგორც გაყიდვის წინა ქმედება, რომელიც მიმართულია ქსელის კაპიტალიზაციის ზრდისკენ.

ბიძინა ივანიშვილის რუსული ბზინესის ყველაზე ძვირადღირებულ აქტივს „უნიკორი" წარმოადგენს, რომელიც ფლობს კომერციული და საცხოვრებელი უძრავი ქონების 7 პროექტს, საერთო ფართით 1 მლნ. კვ/მ.

კომპანია აშენებს ელიტურ მიკრორაიონს- „სადოვიე კვარტალი"(450 ათასი კვ/მ), მიკრორაიონის მშენებლობა ხამოვნიკებში "კაუჩუკის" ქარხნის ტერიტორიაზე მიმდინარეობს. ასევე უახლიოეს პერიოდში ჩასაბარებლად მზადდება, მრავალფუნქციური კომპლექსი „Summit"-ი, რომელიც ტვერის ქუჩაზე, სასტუმრო „მინსკის" ადგილზე აშენდა. აქვე მიდმინარეობს, სასტუმრო „ცენტრალნაიას" რეკონსქტრუქციაც.

Praedium Oncor Int.-ის მმართველი დირექტორის შეფასებით, ივანიშვილის დეველოპერული აქტივები, შესაძლოა აღემატებოდეს 2 მლრდ. დოლარს.

იმის მიუხედავად, რომ ჯერჯერობით ივანიშვილის მფლობელობაში არსებული კომპანიის ტოპ მენეჯერები არ ადასტურებენ გაყიდვის შესახებ მოლაპარაკებების მიმდინარეობის ფაქტებს, უკვე არსებობს ინფორაცია, რომ მრავალფუნქციური კომპლექსი „Summit"-ი 550 მლნ. დოლარად გაიყიდება.