~ხმა ღრმა პოლიტიკური სამარიდან~, - ასეთი შეფასება მისცა უმრავლესობის ერთ-ერთმა ლიდერმა ნუგზარ წიკლაურმა ბიძინა ივანიშვილის შესაძლო თანამშრომლობას ნინო ბურჯანაძესთან.
~სრულიად მოსალოდნელი იყო და საზოგადოებაში გაჩნდა კითხვები, იქნებოდა თუ არა თანამშრომლობა ივანიშვილსა და ყველაზე უფრო მიუღებელ ოდიოზურ ძალებს შორის. ვინც გამოთქვამდა რწმენას, რომ ასეთი რამ არ მოხდებოდა, ამ კითხვებზე პასუხი გაცემულია. ეს ადამიანი თანამშრომლობას აპირებს კრემლთან პირდაპირ დაკავშირებულ პოლიტიკურ ლიდერებთან და ცხადია, რომ წარმომავლობა ამ ახალი პოლიტიკური ძალის, რომელსაც ივანიშვილი წარმოადგენს, პირდაპირი დაკავშირებულია კრემლთან~, - განაცახდა წიკლაურმა ჟურნალისტებთან საუბარში.
კითხვაზე კიდევ ვისთან შეიძლება ითანამშრომლოს ივანიშვილმა, წიკლაურმა უპასუხა, რომ მნიშვნელობა არა აქვს, შემდეგი ვინ იქნება - ებრალიძე, ნოღაიდელი თუ სხვები, რადგან ~მთავარ კითხვაზე პასუხი გაცემულია - ძალა, რომელიც 1 თვის წინ გამოჩნდა, ყოველგგვარი კითხვის ნიშნის გარეშე მართულია რუსეთის ფედერაციიდან და კრემლიდან~.
~ეს ახალი რუსული პროექტია. ჩემთვის სრულიად გასაგებია, რომ ეს არის ხმა ღრმა პოლიტიკური სამარიდან. რუსული ინტერესი საბჭოთა კავშირის აღდგენისა, რუსული ე.წ. გრავიტაციური ველის გავრცელებისა საქართველოში ოდიოზური პოლიტიკოსების მხრიდან ვერასოდეს განხორციელდება. ამის დასტურად შემიძლია მოგიყვანოთ ქართველი საზოგადოებისა და პოლიტიკური ელიტის კონსოლიდაცია ამ მოღალატეობრივი ადამიანების წინააღმდეგ~, - აღნიშნა წიკლაურმა.
