საქართველოს მთავრობის ათ პუნქტიანი გეგმის თანახმად, საქართველოს მთავრობის ამოცანაა შექმნას ისეთი სასკოლო სისტემა სადაც სისტემის ყველა ნაწილს (რესურსს ცენტრს, სკოლის დირექტორტს, მასწავლებელს) ექნება სწორი მოტივაცია მთავარი აქცენტი გააკეთოს სწავლის ხარისხის გაუმჯობესებაზე და სწავლის პროცესი იქნეს შედეგზე ორიენტირებული.
გეგმის მიხედვით, 2011 წელს დაინერგა და მომავალში გაგრძელდება მეთორმეტე კლასელთა გამოსაშვები გამოცდები, რაც მიმართულია სკოლაში სწავლების ეფექტურობის გამოსავლენად.
"ყველაზე წარმატებული 10% სკოლების დირექტორების მატერიალურად წახალისდებიან მიღწეული შედეგების საფუძველზე, ხოლო ყველაზე უარესი 20% სკოლის დირექტორებს ექნებათ შესაძლებლობა გამოასწორონ სიტუაცია. 2011 წელს განახლდა მასწავლებელთა სერტიფიცირება და ეს პროცესი 2012 - 2014 წლებშიც გაგრძელდება. ყველა სერტიფიცირებული მასწავლებელი მიიღებს 75 ლარიან დანამატს. ყველა ვინც ჩააბარებს ინგლისურის და კომპიუტერის გამოცდებს მიიღებს 125 ლარიან დანამატს და სერტიფიცირებული მასწავლებლების საუკეთესო 25% მიიღებს 1000 ლარიან ხელფასს. 2011 წელს შეიცვალა სკოლის დაფინანსების ვაუჩერის ფორმულა რომელმაც გამოასწორა არსებული ხარვეზები, მინიმუმამდე დაიყვანა დეფიციტური სკოლები და შესაბამისად სწორი მოტივაცია მისცა სკოლის დირექტორებს ხარჯების ოპტიმიზაციისათვის და საუკეთესო მასწავლებლების მოზიდვისათვის", - აღნიშნულია გეგმაში.
სკოლებში განათლების ხარისხის გაზრდისათვის შემუშავდება ახალი ეროვნული სასწავლო გეგმა, გაძლიერდება ზუსტი და საბუნებისმეტყველო საგნების სწავლება, დაინერგება მე-12 კლასის მოსწავლეთათვის აბიტურის პროგრამა, ინგლისური ენის სწავლება პირველი კლასიდან, სოციალურად განათლების სისტემის გაუმჯობესება და ახალი ტექნოლოგიების დანერგვა 22 დაუცველი მოსწავლეების უზრუნველყოფა სახელმძღვანელოებით.
მთავრობის ინფორმაციით, ამჟამად, სკოლებში ერთი კომპიუტერი არის 20 მოსწავლეზე, რაც 2015 წელს უნდა შეადგენდეს 10-ს. სკოლების 75% ჩართულია ინტერნეტში. ყველა მეათეკლასელი რომელიც სრულ ათებზე დაამთავრებს 10 კლასს მიიღებს კომპიუტერს და ასევე ყველა პირველკლასელი სკოლაში შესვლისთანავე მიიღებს საბავშვო კომპიუტერს.
"უსაფრთხო სკოლის პროგრამის დანერგვის შედეგად, 80%-ით შემცირდა მოსწავლეთა დაგვიანება, 75%-ით შემცირდა მოსწავლეთა გაკვეთილებიდან გაპარვა, 95%-ით შემცირდა ფულის გამოძალვა, 85%-ით შემცირდა მოსწავლეთა შორის დაპირისპირება. • სხვადასხვა ინგლისურენოვანი ქვეყნიდან ჩამოყვანილ იქნენ ინგლისური ენის მასწავლებლები, 2010 წელს - 1000, ხოლო 2011 წელს - 1500. ეს პროცესი გაგრძელდება 2012-2015 წლებში", - ნათქვამია ათ პუნქტიან გეგმაში.
გეგმის თანახმად, საქართველოს მთავრობისთვის ასევე პრიორიტეტს წარმოადგენს განათლების სისტემის გაუმჯობესება და ახალი ტექნოლოგიების დანერგვა - საქართველოს მომავალი თაობებისა და მოსახლეობის კონკურენტუნარიანობის გაზრდისათვის
მთავრობაში მიიჩნევენ, რომ უკეთესი განათლების გარეშე შეუძლებელია ღირსეული და მაღალანაზღაურებადი სამუშაო ადგილების შექმნა. საქართველოს მთავრობის ამოცანაა, საქართველოს მოსახლეობას ჰქონდეს შესაძლებლობა და ინფრასტრუქტურა იმისათვის, რომ მიიღოს განათლება მსოფლიოს საუკეთესო სტანდარტების შესაბამისად, როგორც საშუალო განათლების, ისე უმაღლესი განათლების დონეზე, მათი გლობალური კონკურენტუნარიანობის უზრუნველყოფის მიზნით.
