22 ოქტომბერს, 12:00 საათზე, "ექსპო ჯორჯიას" მე-11 საგამოფენო პავილიონში ავტოგანვადებათან დაკავშირებით შეხვედრა გაიმართება. ბანკი "რესპუბლიკა" მომხმარებლებს ავტოგანვადების საინტერესო და ხელსაყრელ პირობებს სთავაზობს. გამოფენების ცენტრ "ექსპო ჯორჯიას" ტერიტორიაზე, მე-11 საგამოფენო პავილიონში, გაიხსნა ავტომობილებისა და აქსესუარების მე-7 საერთაშორისო გამოფენა, სადაც წარმოდგენილია IBG-ისა და UZDAEWOO-ს ახალი ავტომობილები. გამოფენაში მონაწილეობს მრავალი კომპანია, რომელიც სპეციალიზებულია ავტონაწილებისა და აქსესუარებით ვაჭრობაში. ავტოშოუს ორგანიზატორია "ექსპო ჯორჯია". გამოფენის მხარდამჭერია თბილისის მერია.
ბანკი "რესპუბლიკა" ავტომობილის შეძენის მსურველებს სთავაზობს ავტოგანვადების მარტივ და მოქნილ პირობებს. ავტოგანვადების საპროცენტო განაკვეთი 0%-იდან იწყება, ხოლო სესხის ვადა 5 წლითაა განსაზღვრული.
ბანკ "რესპუბლიკას" წარმომადგენლები და ავტოშოუს ორგანიზატორები ვრცლად ისაუბრებენ განვადების პირობებსა და შესაძლებლობებზე, აგრეთვე, ავტოშოუზე წარმოდგენილ ბრენდებსა და მონაწილე მხარეებზე. ავტომობილის შეძენის მსურველებს ექნებათ ადგილზე მანქანის განვადებით შეძენის შესაძლებლობა მაქსიმალურად კომფორტული პირობებით.
გამოფენა სამ დღეს გაგრძელდება. დამთვალიერებლებს საშუალება ექნებათ, შეხვდნენ ამ დარგების პროფესიონალებს, მოისმინონ კვალიფიციური სპეციალისტების რჩება, დაესწრონ პრეზენტაციებს და მონაწილეობა მიიღოს სხვადასხვა სახის აქციებში.
