"ბაგრატიონის" დარბაზზე მოთხოვნა იზრდება. როგორც სააგენტო "ჯი-ეიჩ-ენს" "ბაგრატონის" რესტორნის მენეჯმენტიდან აცნობეს, წელს რესტორნის გაყიდვების რაოდენობა 100 %-ით გაიზარდა. მზარდი მოთხოვნის ფონზე, ახალ წლამდე დარბაზი უკვე მთლიანადაა დაჯავშნილი.
"ბაგრატიონს" შეკვეთები ძირითადად კულტურულ ღონისძიებებზე, დაჯილდოებებზე, კონფერენციებზე და ქორწილებზე მოდის. დარბაზში ტრადიციული ივენთებიც იმართება, მაგალითად წლების განმავლობაში დარბაზი ყოველ 11 მაისს ევროკავშირის დაბადების დღეს მასპინძლობს.
გაყიდვების კიდევ უფრო ზრდას მენეჯმენტი აქტიური სარეკლამო კამპანიის დაწყების შემდეგ ვარაუდობს, რომელსაც უახლოეს პერიოდში გეგმავს.
"ბაგრატიონის" რესტიორანი თავის კლიენტებს ადგილზე მომსახურეობის გარდა, კლიენტისთვის სასურველ ადგილზე მომსახურეობასაც სთავაზობს.
ცქრიალა ღვინის მწარმოებელი კომპანია "ბაგრატიონი 1882"-ში სხვადასხვა სახის ტურები ეწყობა და ვიზიტორებს საშუალება ეძლევათ საწარმოს მარანში შერჩეული ღვინო "ბაგრატიონის" დარბაზში დააგემოვნონ.
თბილისში ერთადერთ, უნიკალურ დარბაზს შესაძლებლობა აქვს, ერთდროულად 1000 სტუმარს მოემსახუროს. ადგილზე არის ასევე ღია ცის ქვეშ სხვადასხვა ღონისძიების ჩატარების შესაძლებლობა. ღია ცის ქვეშ ღონისძიებების დროს, უამინდობის გათვალისწინებით, მყუდროების შესაქმნელად, სტუმრების სურვილისამებრ დამონტაჟდება ოპტიმალური მობილური კარვები.
დარბაზს აქვს განუმეორებელი ინტერიერი და დიზაინი. დარბაზის მიმდებარედ განთავსებული ავტოსადგომი 250 ავტომობილზეა გათვლილი (სურვილისამებრ, შესაძლებელია მანქანის დატოვება ავტოსადგომზე, ღონისძიების შემდგომ ერთი ღამის განმავლობაში).
რესტორნის მენიუში, ქართულთან ერთად, ევროპული კერძებიცაა.