"საქართველოს ბანკი" მოაწყობს "პრაიმ კლასის" გამგზავრების დარბაზს თბილისის საერთაშორისო აერპორტში და კლიენტებს პრივილეგირებულ მომსახურებას შესთავაზებს. "საქართველოს ბანკმა" და "ტავ ოპერეიშენ სერვისმა" ხელი მოაწერეს ხელშეკრულებას, რომლის თანახმად, "საქართველოს ბანკი", თბილისის საერთაშორისო აეროპორტში მოაწყობს "CIP პრაიმ კლასის" გამგზავრების დარბაზის ნაწილს.
ხელშეკრულების ფარგლებში, "საქართველოს ბანკს" ასევე ექნება შესაძლებლობა შესთავაზოს მის კორპორატიულ, დაგროვილი ქონების მართვის და SOLO-ს კლიენტებს, პრივილეგირებული მომსახურება "პრაიმ კლასის" დარბაზში. ბანკი მისი შეხედულებისამებრ, გადასცემს კლიენტებს "საქართველოს ბანკისა" და "ტავ ჯორჯია საოპერაციო სერვისების" ერთობლივ ბარათს, რომელიც სპეციალურად ამ მიზნისთვის შეიქმნა.
აღნიშნული პროექტის განხორციელება, შესაძლებელი გახდა თბილისის საერთაშორისო აეროპორტის ოპერატორი კომპანია "ტავ ჯორჯიასა" და "საქართველოს ბანკის" მჭიდრო თანამშრომლობის შედეგად.
ხსენებული ბარათების მფლობელები ისარგებლებენ გარკვეული რაოდენობის უფასო ვიპ გაფრენისა და მოფრენის მომსახურებით წლის განმავლობაში და ასევე შესაძლებლობა ექნებათ მიიღონ ეს მომსახურება სპეციალურ ფასად. მომსახურებაში შედის ორი, 6 წლამდე ასაკის ბავშვის წამოყვანა უფასოდ და კლიენტები ასევე ისარგებლებენ სპეციალური ფასით მათი სტუმრებისთვის.
SOLO -ს კლიენტები ისარგებლებენ გარკვეული რაოდენობის უფასო გამგზავრების მომსახურებით წლის განმავლობაში და შესაძლებლობა ექნებათ ისარგებლონ სპეციალური ფასით ამ მომსახურებაზე, საჭიროების შემთხვევაში. ორი 6 წლამდე ასაკის ბავშვის წაყვანა შესაძლებელია უფასოდ, ისევე როგორც სტუმრებისთვის სპეციალური ფასით სარგებლობა. ხოლო მათთვის ვინც Efes Beer Port-ში ანგარიშსწორებას SOLO ან SOLO Family ბარათით მოახდენს, მიიღებს 10%-იან ფასდაკლებას.