ხვალ, 18 ოქტომბერს, 11:30 საათზე, სოფლის მეურნეობის მინისტრი ბაკურ კვეზერელი ახალი ევროპული სასუქის შესახებ ინფორმაციას საზოგადოებას გააცნობს. სასუქი „აგრობლენი" შეიცავს ყველა სასარგებლო საკვებ ნივთიერებას და წარმოადგენს ძირითად სასუქს როგორც მარცვლეული, ისე ბოსტნეული კულტურებისთვის. მისი გამოყენება მიზანშეწონილია მცენარის განვითარების ადრეულ ეტაპზე. მაშინ, როდესაც სხვა სასუქების გამოყენება უფრო რთული და სარისკოა. ევროპული წარმოების სასუქი გამოფიტულ ნიადაგს კვებავს ფოსფატით, უსაფრთხოა გამოყენების მხრივ და მოაქვს საუკეთესო აგრონომიული შედეგი.
სოფლის მეურნეობის სამინისტროს მიერ ინიცირებული პროგრამა, რომელიც სასუქის წარმოების ხელშეწყობას ითვალისწინებს, სოფლის მეურნეობის კორპორაციის მეშვეობით განხორციელდა.