2011 წლის 9 თვეში, აჭარაში, ჯამში, 1 მლნ. 70 ათას 355 ვიზიტორი ჩავიდა, რაც წინა წლის ანალოგიურ პერიოდთან შედარებით 29%-ით მეტია. აჭარის ტურიზმისა და კურორტების დეპარტამენტის ინფორმაციით, მიმდინარე წლის იანვარ-სექტემბერში, აჭარაში ჩასული ვიზიტორების რაოდენობა 2009 წლის ანალოგიურ პერიოდთან შედარებით 2,3-ჯერ გაიზარდა.
2010 წლის იანვარ-სექტემბერში, აჭარაში, სულ 831 ათას 578 ვიზიტორი ჩავიდა, ხოლო 2009 წლის ანალოგიურ პერიოდში - 458 ატას 1 ვიზიტორი.
2011 წლის ცხრა თვეში, აჭარაში ჩასულ უცხოელ ვიზიტორთა რაოდენობა იყო 378 ათას 934, რაც 2010 წლის დროის იმავე პერიოდთან შედარებით, 41%-ით არის გაზრდილი, ხოლო 2009 წლის იანვარ-სექტემბერთან შედარებით კი, თითქმის 3-ჯერ მეტია. 2010 წლის იანვარ-სექტემბერში აჭარას სტუმრობდა 269 ათას 426 უცხოელი ვიზიტორი, ხოლო 2009 წლის ამავე პერიოდში კი - 138 ათას 813 ვიზიტორი.
2011 წლის იანვარ-სექტემბერში, აჭარაში უცხოელ ვიზიტორთა უმეტესობა, კერძოდ 40,8% - თურქეთიდან ჩავიდა (მთლიან ვიზიტორთა 14,5%).
2011 წლის იანვარ-სექტემბერის მონაცემებით, თურქეთს მოჰყვება სომხეთი (უცხოელ ვიზიტორთა 26,6%, ხოლო მთლიან ვიზიტორთა - 9,4%), აზერბაიჯანი (უცხოელ ვიზიტორთა 13,6%, ხოლო მთლიან ვიზიტორთა - 4,8%).
აღსანიშნავია, რომ 2011 წლის იანვარ-სექტემბერში, მთლიანად საქართველოს 2 მლნ. 68 ათას 147 ვიზიტორი ესტუმრა, რაც წინა წლის ანალოგიურ მაჩვენებელს 43%-ით აღემატება.
