რუმინეთის თავდაცვის სამინისტროს განცხადებით, ბრეილას ოლქში სასოფლო-სამეურნეო დანიშნულების მიწაზე უპილოტო საფრენი აპარატის ნამსხვრევები ჩაცვივდა.
უწყების ინფორმაციით, ინციდენტის შესახებ მათ ღამით ადგილობრივმა მცხოვრებმა აცნობა
მისი თქმით, ნამსხვრევების ჩამოვარდნის შემდეგ ხანძარი გაჩნდა, თუმცა ის თავისით ჩაქრა. ინციდენტს მსხვერპლი და მატერიალური ზიანი არ მოჰყოლია.
შემთხვევის ადგილზე რუმინეთის შინაგან საქმეთა სამინისტროსა და რუმინეთის სადაზვერვო სამსახურის დანაყოფები მივიდნენ და ტერიტორია შემოსაზღვრეს.
აღმოჩენილ ნამსხვრევებს ექსპერტიზა ჩაუტარდება, რათა დადგინდეს მათი წარმომავლობა.
