რუსეთის ვაჭრობის მსოფლიო ორგანიზაციაში გაწევრიანებასთან დაკავშირებით, რუსეთ-საქართველოს მოლაპარაკებები, რომელიც 7-8 ოქტომბერს, ჟენევაში გაიმართა, უშედეგოდ დასრულდა. ამის შესახებ საქართველოს საგარეო საქმეთა მინისტრის მოადგილემ სერგი კაპანაძემ განაცხადა.
"მოლაპარაკებები დასრულდა და ჩვენ მოლაპარაკებებზე შეგვიძლია ვთქვათ, რომ ჩავარდა, რადგანაც ის დასრულდა ყოველგვარი შედეგების გარეშე", - განაცხადა კაპანაძემ. დიპლომატმა აღნიშნა, რომ საქართველო არ შეუძლია გასცეს თავისი თანხმობა რუსეთის ვმო-ში გაწევრიანებაზე, ვიდრე მოსკოვი არ შეცვლის საკუთარ პოზიციას ოკუპირებულ ტერიტორტიებზე ვაჭრობის რეჟიმთან დაკავშირებით.
შეგახსენებთ, რომ რუსეთი ვმო-ში გაწევრიანებას წლებია ცდილობს. თუმცა ამისათვის მას ორგანიზაციის ყველა წევრის სახელმწიფოს თანხმობა სჭირდება. რუსეთმა ყველა ქვეყნის დათანხმება მოახერხა საქართველოს გარდა. საქართველოს რუსეთის ვმო-ში გაწევრიანების სანაცვლოდ საკუთარი მოთხოვნები აქვს, რომელსაც რუსეთი არ თანხმდება.
