ნიკოლა სარკოზი კვლავაც ადასტურებს საკუთარ ვალდებულებას თვალი მიადევნოს ხელმოწერილი შეთანხმებების შესრულებას. ამის შესახებ საფრანგეთის პრეზიდენტმა ნიკოლა სარკოზიმ თავისუფლების მოედანზე სიტყვით გამოსვლისას განაცხადა.
„კვლავაც მსურს დავადასტურო ჩემი ვალდებულება, თვალი მივადევნო ხელმოწერილი შეთანხმებების შესრულებას, რადგან ისინი პასუხისმგებლობას აკისრებს ბატონო პრეზიდენტო, ყველა მხარეს, აკისრებს მათ მიერ მიცემული სიტყვისა და მათ სინდისის პატიოსნებას", - განაცხადა საფრანგეთის პრეზიდენტმა.
სარკოზის თქმით, საქართველოს აქვს უფლება აირჩიოს მოკავშირეები და ააშენოს თავის მომავალი.
"აქ თქვენს წინაშე თავისუფლების მოედანზე ხელახლა ვადასტურებ თქვენს უფლებას თავად აირჩიოთ მოკავშირეები და თავად ააშენოთ მომავალი. ძვირფასო ქართველო მეგობრებო, ჩვენ შევძელით სასწრაფოდ შეგვეჩერებინა ომი, მაგრამ სწრაფად ომის შეჩერება კიდევ არ ნიშნავს რომ ნამდვილი მშვიდობა დავამყარეთ. ჭეშმარიტ მშვიდობას მხოლოდ მოთმინებითა და შეუპოვარი მიზანდასახულობით თუ ააშენებთ თქვენს ქვეყანაში", _ განაცხადა ნიკოლა სარკოზიმ.
