ალექსანდრე ხეთაგურმა ანტიკრიზისული საბჭოს სხდომაზე გამოუცხადებლობისთვის ბოდიში მოიხადაროგორც ცნობილია, ანტიკრიზისული საბჭოს სხდომა რამდენიმე დღის წინ იმ მიზეზის გამო ჩაიშალა, რომ მასზე ენერგეტიკისა და ბუნებრივი რესურსების მინისტრი ალექსანდრე ხეთაგური და გარემოს დაცვის მინისტრი გოგა ხაჩიძე არ გამოცხადდნენ.
დარგობრივი ეკონომიკისა და ეკონომიკური პოლიტიკის დღევანდელ სხდომაზე, საბჭოს წევრი დეპუტატი გურამ ჩახვაძე, ხეთაგურის არგამოცხადების მიზეზით დაინტერესდა.
ხეთაგურის განმარტებით, საბჭოს სხდომის დღეს მის ერთ-ერთ კოლეგასთან ერთად თურქეთში ერთდღიანი ვიზიტით "ერთ-ერთ მნიშვნელოვან პროექტთან" დაკავშირებით მოუწია გამგზავრება.
მინისტრმა ახალი პროექტის დეტალების გახმაურებისგან თავი შეიკავა და დეპუტატებს დაპირდა, რომ შედეგის შემთხვევაში მათ აუცილებლად აცნობებს.
