ფინანსთა სამინისტრომ 2012 წლის ბიუჯეტის ძირითადი მაჩვენებლები გამოაქვეყნა. ინფორმაცია ფინანსთა სამინისტროს ვებგვერდზე განთავსდა.
მომავალი წლის ბიუჯეტი პროგრამულია და წლევანდელთან შედარებით 323 მილიონით არის გაზრდილი.
შემოსავლები 6 მილიარდ 606 მილონი ლარით განისაზღვრება, აქედან საგადასახადო შემოსავლებზე 6 მილიარდ 100 მილიონი მოდის. გრანტები 206 მილიონს, სხვა შემოსავლები კი 300 მილიონს შეადგენს.
ბიუჯეტის გადასახდელი ხარჯები, 7 მილიარდ 673 მილონ 700 ათასით განისაზღვრება. საგარეო ვალდებულებები კი 887,674 ათასს შეადგენს.