დღეს, 11:00 საათიდან საქართველოს გავლით რუსეთიდან სომხეთში ბუნებრივი აირის ტრანზიტი დროებით შეწყდა. ამის მიზეზი, გახდა თბილისის შემოვლითი გზის მშენებლობა, რის გამოც მაგისტრალური გაზსადენის ახალი მონაკვეთი აშენდა.
ახალი მონაკვეთის შეჭრით სამუშაოებს, რომელიც, სავარაუდოდ, 4-5 დღეს გაგრძელდება, საქართველოს გაზის ტრანსპორტირების კომპანია აწარმოებს.
სომხეთში ბუნებრივი აირის ტრანზიტი ყაზახი-საგურამოს 1000 მმ-იან მაგისტრალურ გაზსადენზე შეჭრითი სამუშაოების დასრულებისთანავე განახლდება.
შეჭრითი სამუშაოების მიმდინარეობის შესახებ სომხური მხარე ინფორმირებულია.