მობილური ოპერატორი ბილაინი ბათუმში ახალ ადმინისტრაციულ ოფისს ხსნის. ბილაინის ახალი ორსართულიანი ოფისი 4 თვეში აშენდება. ახალ ადმინისტრაციულ ოფისში, რომელის საერთო ფართი დაახლოებით 500 კვ.მ.-ია,
ბილაინის 30-მდე თანამშრომელი იმუშავებს.
ბილაინის ახალი ოფისის მშენებლობის დაწყებას კომპანიის გენერალური დირექტორი ანდრეი პიატახინი და აჭარის მთავრობის წარმომადგენლები დაესწრებიან. ღონისძიება გაიმართება 22 სექტემბერს, 13:00-ზე, ბათუმში, აღმაშენებლის ქუჩაზე.
"ახალი ადმინისტრაციული ოფისი გულისხმობს დამატებით სამუშაო ადგილებს და ინვესტიციას საქართველოს ეკონომიკაში. აჭარის მხარე განსაკუთრებით მნიშვნელოვანია ჩვენი კომპანიისთვის და მოხარულები ვართ, რომ სწორედ ბათუმიდან ვიწყებთ ოფისების მშენებლობას. ეს ბილაინის პირველი ადმინისტრაციული ოფისია, რომელსაც ჩვენი კომპანია აშენებს. გადაწყდა, აგვეშენებინა თანამედროვე ტიპის ადმინისტრაციული ოფისი, რომელიც საკმაოდ ჰარმონიულად შეერწყმება ბათუმის ულამაზეს არქიტექტურას", - განაცხადა ბილაინის გენერალურმა დირექტორმა.
