საქართველოს შს სამინისტროს ანალიტიკური დეპარტამენტის უფროსი შოთა უტიაშვილი სააგენტო "ჯი-ეიჩ-ენთან" საუბარში აცხადებს, რომ აფხაზური მხარის მიერ გალის ინციდენტების პრევენციისა და მათზე რეაგირების სამუშაო ჯგუფების შეხვედრაზე წამოყენებული მოთხოვნა ხელშეკრულებების გაფორმების შესახებ ამ შეხვედრების კომპეტენციაში არ შედის.
"ხელშეკრულებების გაფორმება ამ მექანიზმის კომპეტენციაში არ შედის", _ განაცხადა უტიაშვილა სააგენტოსთან საუბარში.
შეგახსნებთ, რომ გალის შეხვედრებზე აფხაზური მხარე ქართულ მხარესთან ორი შეთანხმების გაფორმებას მოითხობს: ე.წ. ხელშეკრულებას საქართველო-აფხაზეთის "სახელმწიფო საზღვარზე" გადასვლის ოფიციალური პუნქტების შესახებ და დამნაშავეების დაკავებისა და ერთმანეთისათვის გადაცემის შესახებ ხელშეკრულების გაფორმებას.
აღსანიშნავია, რომ ის შემთხვევაში თუ ქართული მხარე გადასვლის ოფიციალური პუნქტების ხელშეკრულების გაფორმებას მოაწერს ხელს, სავარაუდოდ, ამით ქართული მხარე აღიარებს, რომ აფხაზეთთან საზღვარი "სახელმწიფო" და "ოფიციალური". ხოლო რაც შეეხება მეორე ხელშეკრულებას მისი გაფორმების შემთხვევაში ქართულ მხარეს აფხაზი სეპარატისტებისათვის ტერორიზმში ბრალდებული ადამიანების გადაცემა მოუწევს.
მასალის გამოყენების პირობები
