დღეს, 20 სექტემბერს, ბათუმში, სასტუმრო "შერატონში", ქართულ-ბულგარული ბიზნესფორუმი გაიმართება, რომელსაც ბულგარეთის ეკონომიკის, ენერგეტიკისა და ტრანსპორტის მინისტრი ტრაიჩო ტრაიკოვი დაესწრება. ოფიციალურ დელეგაციასთან ერთად. ფორუმის მუშაობაში ასევე მონაწილეობენ ქართველი და ბულგარელი ბიზნესმენები.
როგორც სააგენტო "ჯი-ეიჩ-ენს" ფინანსთა სამინისტროდან აცნობეს, საერთაშორისო ფორუმზე დაგეგმილია ფინანსთა მინისტრის - დიმიტრი გვინდაძის სიტყვით გამოსვლა. გაიმართება ორმხრივი მოლაპარაკებები ბულგარეთის სამთავრობო დელეგაციასთან. ბულგარეთის ბიზნესმენთა დელეგაციაში შედიან წარმომადგენლები შემდეგი სექტორების მიხედვით: მშენებლობა, ტრანსპორტი და ლოჯისტიკა, ენერგეტიკა, ტურიზმი, სპორტული დაწესებულებების დაპროექტება/ დიზაინი და სხვა. ბიზნესფორუმში მონაწილეობას მიიღებს სტომატოლოგიური აღჭურვილობის მწარმოებელი ბულგარული კომპანიაც.
ფინანსთა სამინისტროს ინფორმაციით, დელეგაციის წევრები გაეცნობიან აჭარაში მიმდინარე საინვესტიციო პროექტებს, ორმხრივი თანამშრომლობისა და რეგიონში ინვესტირების შესაძლებლობებს. ფორუმის ფარგლებში დაგეგმილია სასაზღვრო კონტროლის ზონა - პორტალი "სარფისა" და ადლიის გაფორმების ეკონომიკური ზონის (გეზი) დათვალიერება.