სს „კაუკაზუს ენერჯი ენდ ინფრასთრაქჩას" (CEI) ახალი გენერალური დირექტორი ყავს. გიორგი აბდუშელიშვილმა ამ თანამდებობაზე არჩილ მამათელაშვილი ჩაანაცვლა.
CEI-ში დირექტორის პოზიციაზე დანიშვნამდე, გიორგი აბდუშელიშვილს ეკავა „ათასწლეულის გამოწვევა საქართველოში" ფონდის გენერალური დირექტორის თანამდებობა.
CEI-ში იგი შეცვლის არჩილ მამათელაშვილს, რომელიც გადადგა კომპანიის გენერალური დირექტორის პოზიციიდან. მამათელაშვილი კომპანიაში რჩება როგორც კონსულტანტი. იგი სრულად იქნება ჩართული პოზიციის გადაბარების პროცესში და კონსულტაციას გაუწევს ახალ დირექტორს და სამეთვალყურეო საბჭოს.
