დღეს, 13 სექტემბერს "ვისოლმა" სვანეთში პირველი ავტოგასამართი სადგური გახსნა. მესტიაში, ერეკლე ფარჯიანის 29 ნომერში მდებარე ავტოგასამართი სადგური სვანეთის მოსახლეობას ნავთობპროდუქტების ფართო არჩევანს სთავაზობს. სხვა პროდუქტებთან ერთად ახალ ავტოგასამართ სადგურზე ევრო ხუთის სტანდარტის იტალიური აპიც იყიდება.
ახალ ავტოგასამართ სადგურზე "ვისოლმა" პროდუქტისა თუ მომსახურების ხარისხისა და უსაფრთხოების ნორმები, ტრადიციულად, ევროპულ სტანდარტებს შეუსაბამა. მაღალტექნოლოგიური ამერიკული საწვავის მიწოდების სისტემა, რომელიც ვისოლის ყველა ავტოგასამართ სადგურზეა დამონტაჟებული, 100% სიზუსტით ახდენს მომხმარებლისათვის საწვავის მიწოდებას.
"ვისოლის" მენეჯმენტის ინფორმაციითმ, მესტიის ავტოგასამართ სადგურზე 10-მდე ადგილობრივი მოსახლე დასაქმდა. ახლადგახსნილ ავტოგასამართ სადგურებზე დასაქმებულ პირებს შესაბამისი ტრენინგი ჩაუტარდათ. ვისოლის ავტოგასამართ სადგურზე დასაქმებული ყველა თანამშრომელი დაზღვეულია და უფასო კვებით სარგებლობს.
"ვისოლს:" საკუთრებაში არსებული ავტოგასამართი სადგურების ყველაზე ფართო ქსელი აქვს საქართველოში. წლის ბოლომდე ვისოლის ქსელს კიდევ რამდენიმე ავტოგასამართი სადგური დაემატება.
