საქართველოს ეროვნული მუზეუმი ახალ საგანმანათლებლო პროექტზე მუშაობს. როგორც ორგანიზატორმა ნინო გედევანიშვილმა "ჯი-ეიჩ-ენს" განუცხადა, ეს პროექტი ბავშვებს და მოზარდებს ხატვის ნიჭის აღმოჩენაში დაემხარება.
"ჩვენი პროექტი სახელწოდებით "მე მხატვარი" საქართველოში პირველად ტარდება და გვინდა ფართო ხასიათის გავხადოთ. მასში ჩართულები იქნებიან ბავშვები და უფროსები. მუზეუმის ეზოში, 15 სექტემბერს ისინი დახატავენ თავიანთ წარმოსახვიდან რამეს. ნამუშევრები კი "ბავშვთა ეროვნულ გალერეაში" გამოიფინება. ეს პროექტი მნიშვნელოვანია იმიტომ რომ, დავამტკიცოთ, რომ არ არსებობს ადამიანი ვისაც ხატვა არ შეუძლია. შეიძლება ადამიანმა ჩიტი ზუსტ ჭრილში ვერ დახატოს, მაგრამ ლამაზი ფერი დასვას და ამით გადმოსცეს თავის სათქმელი", - განუცხადა "ჯი-ეიჩ-ენს" გედევანიშვილმა.
შეგახსენებთ, რომ საქართველოს ეროვნული მუზეუმში საგანმანათლებლო პროექტები 2005 წლიდან ხორციელდება. მათი ერთ-ერთი მნიშვნელოვანი პროექტი 2008 წლის, ომში დაღუპული ბავშვებისთვის მოეწყო, რომელშიც 50 მოზარდი იყო ჩართული.
