ბრიტანელმა მეცნიერებმა ექსპერიმენტი ჩაატარეს. მათ 88 მოხალისე – კოფემანი შეკრიბეს, რომელთა ასაკი 18–დან 47 წლამდე იყო და დაპირდნენ, რომ დაალევინებდნენ ყავას, რომელიც კოფეინს შეიცავდა. თუმცა სინამდვილეში ყავა კოფეინის გარეშე იყო მომზადებული. ყავის მირთმევის შემდეგ, მოხალისეები აცხადებდნენ, რომ მოჭარბებულ ენერგიას და გაზრდილ აქტიობას უჩიოდნენ. ამის შემდგომ მეცნიერებმა მოხალისეთა მდგომარეობა სხვადასხვა ტესტებით შეამოწმეს. აღმოჩნდა, რომ მოხალისე – კოფემანები უფრო ენერგიულად იყვნენ, ვიდრე ის ადამიანები, რომლებიც კოფეინიან ყავას სისტემატიურად მიირთმევენ. აქედან მეცნიერებმა დასკვნეს, რომ ყავის დალევისას ადამიანი ძალის მომატებას ფსიქოლოგიურად ელოდება.
როგორც ცნობილია, კოფეინი მძლავრი სტიმულანტია, რომელსაც შეუძლია დაღლილობას გაუმკლავდეს.
ზოგიერთმა კვლევამ აჩვენა, რომ დღეში სამი ჭიქა ყავის დალევისას შესაძლებელია ალცჰეიმერის დაავადების წარმოქნის რისკი მინიმალიზირებული იყოს, რადგანაც ტვინში სპეციალური რეაქცია ხდება, რომელიც უჯრედებს დაზიანების საშუალებას არ აძლევს.
მასალის გამოყენების პირობები