ევროპაში ნატოს გაერთიანებული ძალების სარდალი ჯეიმს სტავრიდისი ISAF-ის ოპერაციაში აქტიური მონაწილეობისთვის საქართველოს მთავრობას მადლობას უხდის.
"ავღანეთის სამშვიდობო ოპერაციაში ქართული დანაყოფები აქტიურად და ღირსეულად მონაწილეობენ და ამას ალიანსისთვის განსაკუთრებული მნიშვნელობა აქვს", - განაცხადა სტავრიდისმა საქართველოს თავდაცვის მინისტრ ბაჩო ახალაიასთან შეხვედრის შემდეგ.
შეგახსენებთ, რომ ევროპაში ნატოს გაერთიანებული ძალების სარდალი საქართველოს 2-დღიანი ვიზიტით სტუმრობს.
