თბილისის საქალაქო სასამართლომ სასაზღვრო პოლიციის ყოფილი უფროსის, ბადრი ბიწაძის საქმესთან დაკავშირებით "დემოკრატიული მოძრაობის" ლიდერი ნინო ბურჯანაძე დაკითხა.
როგორც "ჯი-ეიჩ-ენს" ბიწაძის ადვოკატმა ლევან სამუშიამ განუცხადა, ბურჯანაძეს სასამართლო თითქმის ორი საათის განმავლობაში უსმენდა.
"ქალბატონ ნინოს უამრავი შეკითხვა დაუსვეს. მას ძირითადად პასუხის გაცემა მოუწია ბადრი ბიწაძისა და "სახალხო კრების" ურთიერთობის დეტალებზე - იყო თუ არა ბიწაძე კრების ხელმძღვანელი და რა როლი ჰქონდა მაისში გამართული აქციების ორგანიზებაში", - განმარტა სამუშიამ.
ბადრი ბიწაძის საქმის განხილვა ყოველდღიურ რეჟიმში მიმდინარეობს. პროცესები ამ წუთებშიც მიმდინარეობს. მასზე დაცვის მხარის მოწმეების დაკითხვა გრძელდება.
