რუსეთმა 18 სექტემბრის საღამოს კიევზე ბალისტიკური რაკეტებით იერიში მიიტანა.
„დედაქალაქში საჰაერო თავდაცვის ძალები მოქმედებენ. კიევი ბალისტიკური რაკეტებით იბომბება. დარჩით თავშესაფრებში!“ - განაცხადა კიევის მერმა ვიტალი კლიჩკომ.
უკრაინული მედიის ინფორმაციით, მანამდე კიევში საჰაერო განგაში გამოცხადდა და ქალაქში აფეთქებების ხმა ისმოდა. თავდასხმის შედეგების შესახებ ინფორმაცია ამ დროისთვის არ გავრცელებულა.
17 სექტემბრის ღამეს რუსეთმა უკრაინაზე 157 დამრტყმელი დრონით, ასევე ხომალდსაწინააღმდეგო, ბალისტიკური და ფრთოსანი რაკეტებით მიიტანა იერიში. უკრაინის საჰაერო თავდაცვის ძალებმა 131 საჰაერო სამიზნის განადგურება ან ჩახშობა შეძლეს.
კიევში თავდასხმის შედეგად 19 ადამიანი დაშავდა. დაზიანდა საცხოვრებელი სახლები, საგანმანათლებლო დაწესებულებები, ადმინისტრაციული შენობები, ოფისები, ავტოგასამართი სადგურები, საწყობები, ავტომობილები და სარკინიგზო ლიანდაგები.
