იმავდროულად, შემოსავლების სამსახურის ინიციატივით, წესდება შეღავათები სხვა გადამხდელებისთვისაც. GPRS სისტემის საკონტროლო - სალარო აპარატის ღირებულება 290 ლარია. ნებისმიერ გადამხდელს შეუძლია ისარგებლოს ბანკის განვადებით და შეიძინოს სალარო აპარატი. განვადება უპროცენტოა და თანხის გადახდა ნაწილდება 12 თვეზე.

აპარატის შემოტანას ტენდერში გამარჯვებული ბულგარული კომპანია „დეიზი ტექნოლოჯი" უზრუნველყოფს, რომელიც 100 000 აპარატს შემოიტანს.

ამ ეტაპზე შემოსავლების სამსახურში დარეგისტრირებულია 9713 ასეთი სტატუსის მქონე მეწარმე. შესაბამისად, ამდენივე გადამხდელს არ მოუწევს დამატებითი ხარჯის გაწევა.
ახალი აპარატებიPGPRS სისტემით იქნება აღჭურვილი, რაც იმას ნიშნავს, რომ ინფორმაცია შემოსავლების სამსახურის მონაცემთა ბაზაში ონლაინ რეჟიმში აღირიცხება. შემოსავლების სამსახურს შეეძლება ობიექტზე მიუსვლელად, მიიღოს 4 სახის ინფორმაცია. დღიური ბრუნვის ჯამი, იგივე Z რეპორტი; X რეპორტი, ანუ ჯამი Z რეპორტიდან მიმდინარე მოთხოვნამდე ; „ჩეკ ტოტალი" და „ჩეკ დეტალი".
ეს არ გულისხმობს, რომ მონაცემთა ბაზაში ინფორმაცია შევა ნებისმიერი ამორტყმული ქვითრის შესახებ.

ამ ინფორმაციის ცენტრალურ სერვერზე მიწოდება იძლევა საშუალებას, გაცილებით სწრაფად და უფრო ზუსტად განხორციელდეს კონტროლი.

ასევე, ახალი სალარო აპარატის საშუალებით შესაძლებელი იქნება რისკების კრიტერიუმების განსაზღვრა არა დეკლარაციების და გადასახადების მიხედვით, არამედ მიღებული ინფორმაციის ანალიზის გზით.

შემოსავლების სამსახურში განმარტავენ, რომ „დეიზი ტექნოლოჯი" 100 000 სალარო აპარატს შემოტანას. შემოსავლების სამსახურში ჩატარებული სტატისტიკური ანალიზის საფუძველზე, გამორიცხულია, რომ შეიქმნას დეფიციტი, ეს რაოდენობა სრულად აკმაყოფილებს დღეს არსებულ მოთხოვნას.

შემოსავლების სამსახურის მონაცემების თანახმად, საქართველოში დღეს 100 000 ნაკლები მოქმედი სალარო აპარატია რეგისტრირებული.

"დეიზი ტექნოლოჯის" წარმომადგენელი „ჯორჯიან ნეთვორქ სერვისი" უზრუნველყოფს პროგრამას, რომლის მიხედვითაც მოხდება გადამხდელების რეგისტაცია. შექმნილია სპეციალური ბაზაც, რომელშიც შევა მონაცემები ახალი საკონტროლო - სალარო აპარატებიდან.

„ჯორჯიან ნეთვორქ სერვისი" ტექნიკური ჯგუფი გადამხდელებს მოემსახურება შემოსავლების სამსახურის სერვის ცენტრებსა და ოფისებში.

„ჯორჯიან ნეთვორქ სერვისი" ასევე, უზრუნველყოფს თანამშრომელთა დატრენინგებასა და გადამხდელების ინფორმირებას. კომპანია დაეხმარება გადამხდელებს ტექნიკური პრობლემების აღმოფხვრაში.

მომსახურება თვეში 5 ლარი ეღირება, რაც გულისხმობს ტექნიკურ მომსახურებას და ასევე, ამ თანხაში შედის GPRS კავშირის ღირებულებაც.

2011 წლის 31 დეკემბრის ჩათვლით ძველი მოდელები ახლით სრულად ჩანაცვლდება, ხოლო 2012 წლის 1 იანვარიდან დაიწყება მათი სახელმწიფო რეესტრიდან ამოღება.
ახალ აპარატებზე გადასვლის პროექტი 2 აგვისტოდან, სატესტო რეჟიმში, თავდაპირველად თბილისში ამოქმედდება. რეგისტრაციის პროცესის გამარტივების მიზნით, ტექნიკური მომსახურების პერსონალი განთავსდება თბილისის მომსახურების სერვის ცენტრებში.
მეორე ეტაპზე, 1 სექტემბრიდან, პროექტის განხორციელება რეგიონებშიც დაიწყება.

პროექტის მესამე ეტაპზე კი, 2011 წლის 31 დეკემბრის ჩათვლით ძველი მოდელები ახლით სრულად ჩანაცვლდება, ხოლო 2012 წლის 1 იანვარიდან დაიწყება მათი სახელმწიფო რეესტრიდან ამოღება.