დღეს, 14 ივლისს 12:00 საათზე, გარდაბანში მუნიციპლიტეტის გამგეობის შენობაში პროექტის "საბიუჯეტო პროცესებში მოსახლეობის ჩართულობის უზრუნველყოფა გარდაბნის მუნიციპალიტეტში" პრეზენტაცია გაიმართება.
პრეზეტაციაზე გარდაბნის მუნიციპალიტეტის მოსახლეობა დეტალურად გაეცნობა პროექტის მიზნებსა და ამოცანებს და ამასთან მათ მიეცემათ შესაძლებლობა თავად გახდნენ ამ პროექტის აქტიური განმახორციელებლები.
პროექტი შესაძლებელს გახდის საბიუჯეტო პროცესების მართვაში საზოგადოების ფართო ფენები ჩაერთოს, რაც თავის მხრივ ხელს შეუწყობს საბიუჯეტო სახსრების კონკრეტული ამოცანების გადაჭრისკენ მიმართვას; შეიქმნება საზოგადოებრივი მონიტორინგის პრეცენდენტი გარდაბნის მუნიციპალიტეტში საბიუჯეტო სახსრების ხარჯვაზე; საბიუჯეტო პროცესი გახდება უფრო გამჭირვალე; ამაღლდება მოსახლეობის ცნობიერება საბიუჯეტო საკითხებისა და ამ კუთხით საკუთარი უფლებების ადვოკატირების შესახებ;
პროექტი "საბიუჯეტო პროცესებში მოსახლეობის ჩართულობის უზრუნველყოფა გარდაბნის მუნიციპალიტეტში" ხორციელდება არასამთავრობო ორგანიზაციის "ახალი ინიციატივა ქვემო ქართლში" მიერ.
პროექტი მიმდინარეობს "საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში"- (G-PAჩ) ფარგლებში, რომელსაც USAID GEORGIA დაფინანსებით ახორციელებს აღმოსავლეთ-დასავლეთი მართვის ინსტიტუტი (EWMI).
