დღევანდელ პარლამენტში ადამიანები ერთი პრინციპით არიან შერჩეული - ხელისუფლებას ერთგულება მაქსიმალურად დაუდასტურონ. ამის შესახებ "თავისუფალი დემოკრატების" ლიდერმა ირაკლი ალასანიამ პარლამენტის მიერ "სამოქალაქო კოდექსში" ცვლილებების დამტკიცების შეფასებისას განაცხადა, რომლის მიხედვითაც, რელიგიურ გაერთიანებებს საშუალება მიეცემათ, საქართველოში საჯარო იურიდიულ სამართლის პირებად დარეგისტრირდნენ.
მისი თქმით, ერთპარტიულ პარლამენტში საზოგადებას თავი წარმომადგენლები არ ჰყავს და ამის საუკეთესო მაგალითი რელიგიური გაერთინებებისთვის სამართლებრივი სტატუსის საზოგადების ნების წინააღმდეგ მინიჭებაა.
"ეს იყო პირდაპირი გამოვლინება, რომ ერთპარტიულ პარლამენტს და სააკაშვილის ხელისუფლებას არ აინტერესებს საზოგადოება და ჩვენ პარლამენტში არავინ არ წარმოგვადგენს. იქ არიან ადამიანები ერთი პრინციპით შერჩეულები - რაც შეიძლება მაქსიმალურად დაუდასტურონ ხელისუფლებას ერთგულება", - აღნიშნა ალასანიამ.
