საჯარო სამართლის იურიდიული პირის ფორმით დარეგისტირებული რელიგიური გაერთიანებების მიმართ "საჯარო სამართლის იურიდიული პირის შესახებ" კანონი არ გავრცელდება. აღნიშნულთან დაკავშირებით, პარლამენტმა "სამოქალაქო კოდექსში" ცვლილებები დაჩქარებული წესით უკვე დაამტკიცა.
იურიდიულ საკითხთა კომიტეტის თავმჯდომარის, პავლე კუბლაშვილის მტკიცებით, მიღებული გადაწყვეტილებით, რელიგიურ გაერთიანებებს მხოლოდ სამართლებრივი სტატუსი მიენიჭებათ და მათზე სხვა შეღავათი, მათ შორის საგადასახადო ან ქონებრივი, არ გავრცელდება.
გადაწყვეტილების თანახმად, რელიგიურ გაერთიანებები არ იზღუდებიან, რომ დარეგისტრირდნენ, როგორც არასამეწარმეო (არაკომერციული) იურიდიული პირები, ასევე შეუძლიათ, ეწეოდნენ საქმიანობას, როგორც ამ კოდექსით გათვალისწინებული არარეგისტრირებული კავშირი.
საჯარო რეესტრის ეროვნული სააგენტო უფლებამოსილია, საჯარო სამართლის იურიდიულ პირად დაარეგისტრიროს საქართველოსთან ისტორიულ კავშირში მქონე რელიგიური მიმდინარეობა ან ის რელიგიური მიმდინარეობა, რომელიც ევროსაბჭოს წევრ ქვეყნებში კანონმდებლობით მიჩნეულია რელიგიად.
საჯარო სამართლის იურიდიული პირის ფორმით დარეგისტირებული რელიგიური გაერთიანებების მიმართ არ ვრცელდება საჯარო სამართლის იურიდიული პირის შესახებ საქართველოს კანონი.
რელიგიური გაერთინებები, რომლების მიმართ მოქმედებს არასამეწარმეო იურიდიული პირების რეგისტრაციისთვის დადგენილი წესი, მათი უფლებამოსილება განისაზღვრება ამ კოდექსით მე-2 თავით დადგენილი წესით.
