ჯანდაცვის სამინისტროს სპეციალური კომისია წლინახევრის ბავშვის გარდაცვალების საქმის განხილვას იწყებს.
საქალაქო სასამართლო თბილისის მე-3 პედიატრიულ კლინიკაში რევიზიის დასაწყებად და დოკუმენტაციის შესასწავლად კომისიას შესაბამის ნებართვას, სავარაუდოდ, დღეს მისცემს.
დოკუმენტაციის შესწავლის შემდეგ ის დარგის ექსპერტებს გადაეგზავნება, მოგვიანებით კი მას პროფესიული განვითარების საბჭო განიხილავს.
წლინახევრის ბავშვი მენინგოენცეფალიტის დიაგნოზით თბილისის მე-3 პედიატრიულ კლინიკაში გასულ კვირას ზესტაფონიდან გადმოიყვანეს. პაციენტი მეორე დღეს გარდაიცვალა.
ბავშვის ოჯახი მომხდარში ექიმს ადანაშაულებენ.
