პრობლემების მხრივ მსოფლიო ქვეყნებს შორის საქართველო 47-ე ადგილზე მოხვდა. რეიტინგი "ფორეინ პოლისმა" გამოაქვეყნა. "მსოფლიოს 2011 წლის პრობლემური ქვეყნების ინდექსში" პირველი ადგილი სომალის უკავია. მეორეზეა ჩადი, ხოლო მესამეზე სუდანი.
მეზობელ ქვეყნებს შორის აზერბაიჯანი 63-ე ადგილზეა, რუსეთი 82-ე, სომხეთი 101-ე და თურქეთი 103-ე.
მსოფლიოს ყველაზე უპრებლომო ქვეყნად ფინეთი დასახელდა. პოსტსაბჭოთა სივრცის ქვეყნებიდან, ყველაზე ცუდი პოზიცია (31) ყირგიზეთს უკავია. ბელარუსი 83-ე ადგილზეა, ყაზახეთი 107-ე ადგილზე, ლატვია 135-ე, ესტონეთი 140-ე და ლიტვა 149-ე.
ამერიკის შეერთებული შტატები რეიტინგში 158-ე ადგილზე იმყოფება.
"ეს ინდექსი განსაზღვრას თუ რამდენად ვერ აკონტროლებს კონკრეტული ქვეყანა ტერიტორიულ მთლიანობას, დემოგრაფიას, პოლიტიკურ და ეკონომიკურ სიტუაციას", -აღნიშნავენ რეიტინგის შემქმნელები.
