ავლაბრის მოსახლეობას წყალი ჯერაც არ მიეწოდება. მოსახლეობა უკიდურესად მძიმე მდგომარეობაშია. მიუხედავადად იმისა, რომ "ჯორჯიან ვოთერ ენდ ფაუერმა" შეძლო დედაქალაქის მოსახლეობის უმეტესობისათვის წყლის მოწოდება აღედგინა ავლაბარში მოსახლეობა წყალს ჯერაც ვერ იღებს.
"ჯორჯიან ვოთერ ენდ ფაუერი" ავლაბრის მოსახლეობას წყლის მოწოდებას ჯერ კიდევ წუხელ ჰპირდებოდა, თუმცა მოგვიანებით კომპანიაში განმარტავნდნენ, რომ მოწოდების აღდგენა დღეს დილით მოხერხდებოდა. ამის მიუხედავად მოსახლეობას წყალი ჯერაც არ მიეწოდება.
შეგახსენებთ, რომ ძლიერმა წვიმამ დააზიანა ღრმაღელის სათავე ნაგებობის ძირითადი მკვებავი ელექტროგადამცემი ხაზები, დაიტბორა ღრმაღელის სატუმბო სადგური, რამაც ტუმბო-აგრეგატების მწყობრიდან გამოსვლა და დროებით გაჩერება გამოიწვია. პარალელურად, ჭარბი ნალექის გამო ადიდებულმა მდ. გლდანულამ 900 მმ-იანი მაგისტრალური წყალდენის გარკვეული მონაკვეთი მთლიანად მოშალა და წაიღო.
17 ივნისიდან ზემოთაღნიშნული მიზეზით, წყალმომარაგება შეწყვეტილი ქონდა დედაქალაქის მარცხენა სანაპირის მოსახლეობას.
მასალის გამოყენების პირობები
