შსს რუსი ოკუპანტების მიერ ონის რაიონის სოფელ ღარის 10 მოსახლის დაკავების გამო განცხადებას ავრცელებს.
"2011 წლის 18 ივნისის საღამოს რუსმა ოკუპანტებმა ონის რაიონის სოფელ ღარის 10 მოსახლე: ლაშა მარკოიშვილი, დავით ჯელაძე, ვიტალი სამხარაძე, თორნიკე ჯელაძე, ბესო ჯელაძე, დიტო მარკოიშვილი, გიორგი მარკოიშვილი, გიორგი მეტრეველი, ვასო მარკოიშვილი და გია კაკრაშვილი დააკავეს", - აცხადებს შსს.
სამინისტროს ინფორმაციით, ქართველები და ოსები რელიგიურ დღსასწაულ საჯვარეობას საუკუნეების მანძილზე ერთად აღნიშნავენ, ხოლო სალოცავები, რომელთაც დღსასწაულისას მოსახლეობა სტუმრობს ოკუპაციის ხაზის სიახლოვეს მდებარეობს. ოკუპანტებმა ზემოაღნიშნული პირები დღესასწაულისას წმინდა გიორგის სალოცავების სიახლოვეს დააკავეს. პირველად ინფორმაციით, დაკავებული პირები ცხინვალში არიან გადაყვანილები.
