კახეთში ძლიერი ქარიშხლის შედეგად დედოფლისწყაროს, სიღნაღის, თელავისა და საგარეჯოს რაიონები დაზარალდა.
საგარეჯოში საცხოვრებელი სახლების ნაწილს სახურავები მნიშვნელოვნად დაუზიანდა, სპორტულ დარბაზს კი მთლიანად გადახადა.
ქარიშხალმა ფესვიანად მოგლიჯა ხეები და დააზიანა ელექტროგადამცემი ხაზები. კახეთის ნაწილს ელექტროენერგია ამ დრომდე არ მიეწოდება. წინასწარი მონაცემებით, ზარალი მხოლოდ საგარეჯოს რაიონში 60 ათას ლარს აჭარბებს.
