ავღანეთის პრეზიდენტმა ჰამიდ კარზაიმ ოფიციალურად დაადასტურა, რომ ამერიკის შეერთებული შტატები, სხვა ქვეყნების წარმომადგენლებთან ერთად თალიბანთან აწარმოებს მოლაპარაკებას.
პრეზიდენტმა დააზუსტა, რომ მოლაპარაკებებში მონაწილეობას იღებენ ამერიკის შეერთებული შტატების არმიის წარმომადგენლები.
თალიბანის ოფიციალური პოზიცია მდგომარეობს იმაში, რომ საერთაშორისო ძალებმა უნდა დატოვონ ავღანეთი და მხოლოდ შემდეგ იქნება შესაძლებელი მშვიდობიანი მოლაპარაკებების დაწყება.
ივლისში ამერიკის შეერთებულმა შტატებმა ავღანეთში დისლოცირებული 97 000 ჯარისკაცის გაყვანა უნდა დაიწყოს. გეგმის მიხედვით 2014 წლისათვის ქვეყანაში უსაფრთხოების კონტროლი მთლიანად ადგილობრვი ხელისუფლების ხელში უნდა გადავიდეს.
