პრეზიდენტის შეფასებით, სრულიად სომეხთა კათოლიკოს გარეგინ მეორის საქართველოში ვიზიტი „ისტორიულია".
„შეიძლება ითქვას, რომ ეს არის ისტორიული ვიზიტი და გაგრძელება იმ ისტორიული ურთიერთობებისა, რომელიც ორ ერს შორის საუკუნეების განმავლობაში არსებობდა და ეს ტრადიციული ურთიერთობა დღესაც გრძელდება", - მიხეილ სააკაშვილის ეს პოზიცია დღეს გამართულ პრესკონფერენციაზე ჟურნალისტებს მისმა პრესსპიკერმა მანანა მანჯგალაძემ გააცნო.
შეგახსენებთ, რომ სრულიად სომეხთა კათოლიკოსი გარეგინ მეორე საქართველოს ვიზიტით 10 ივნისს ეწვია. მისი ვიზიტი ახლაც გრძელდება.
მასალის გამოყენების პირობები
